Ish-trajneri i Brazilit dhe fituesi i Kupës së Botës në vitin 1970, Emerson Leao,ka sulmuar ashpër Neymarin duke pretenduar se numri 10 i Santosit “nuk është shembull për askënd” dhe nuk duhet të konsiderohet si zgjidhje për Seleção-n përpara Kupës së Botës 2026, për shkak të paqëndrueshmërisë kronike dhe lëndimeve të përsëritura.
Portieri veteran theksoi në një intervistë televizive se “njeriu jashtë fushës dhe njeriu në fushë janë të ndërthurur” dhe se Neymar “e ka kaluar moshën” për të zgjidhur problemet e ekipit kombëtar. Në zemër të kritikave të Leaos janë gjendja fizike dhe qëndrueshmëria e yllit brazilian. Ai tha se Neymar “e di çfarë dëshiron të bëjë në fushë, por nuk mund ta ekzekutojë atë si më parë”, duke ia atribuar lëndimet e shpeshta gjendjes së jo të mirë fizike dhe humbjes së shpejtësisë që e karakterizonte lojën e tij në vitet e kaluara. Ai theksoi se “ai nuk është i njëjti sportis”, duke treguar mungesën e stërvitjes së vazhdueshme pas problemeve të fundit me kuadricepsin.
Leao zbuloi se në fillim të karrierës së Neymarit, ai i kishte dhënë atij këshilla personale që të “kujdesej për veten” përpara Kupës së Botës, një rekomandim që, siç tha ai, “nuk e ndoqi”. Ndërkohë, Neymar, i cili u rikthye te Santos në janar, ka bërë 21 paraqitje, ka shënuar 6 gola dhe ka dhënë 3 asiste këtë sezon, me kontratën e tij që skadon më 31 dhjetor dhe ende pa hapur bisedime për një rinovim. Qëllimi i tij mbetet të kthehet si dikur, në mënyrë që të bindë se mund të meritojë një vend për Kupën e Botës 2026.
Top Channel
