“Erioni u la të bëjë betejën e tij”/ Rivalitet brenda PS-së? Spiropali në “Top Story”: Konkurrenca e kuptueshme, zilitë… 20/10 22:54
Ministrja për Europën dhe Punët e Jashtme, Elisa Spiropali, arsyetoi në “Top Story” vendimin e Shqipërisë për abstenimin në OKB, për çështjen e Gazës.
“Ndihem shumë mirë kur jam në takime të tilla sepse e kam rrugën e shtruar nga ajo që është bërë më parë. Shqipëria ka një qëndrim të qartë strategjike, Shqipëria është vend i vogël por shumë mirë i orientuar, është një vend që nuk ka surpriza.
Dimë qëndrimin e Shqipërisë sa i takon Ukrainës, Izraelit sa i takon Palestinës. Shqipëria ka abstenuar për disa çështje, menduam që nuk e kishim kapacitetin për të marrë një vendim nëse do të ishim pro apo kundër. Në këtë rast Shqipërisë i lejohet të mbajë një qëndrim sovran.
Kemi pasur një qëndrim të qartë si drita e Diellit. Ne i dënojmë sulmet terroriste të Hamasit. Ne e përgëzojmë marrëveshjen e arritur me ndihmën e SHBA-së. Ka nisur një proces i një paqe të konsoliduar”, tha Spiropali.
Top Channel
