Humbi penalltinë në Tiranë, por mori hak në Leskovac / Heroi Manaj për DigitAlb: Një nga ditët më të bukura të jetës time 11/10 23:30
Ministrja për Europën dhe Punët e Jashtme, Elisa Spiropali, ka reaguar në lidhje me vendimin e Parisit për të nderuar Ismail Kadarenë me pllakë përkujtimore.
Këshilli Bashkiak i Parisit vendosi disa ditë më parë, të vihej një pllakë përkujtimoreje kushtuar shkrimtarit të njohur shqiptar.
“Parisi i tha “Faleminderit” luftëtarit të paepur të Shqipërisë Europiane.
Në adresën 63 boulevard Saint-Michel 75005, ku Ismail Kadare shkroi perla të përbotshme dhe të tejkohshme, do të vendoset pllaka e Tij përkujtimore.
Në ato pak shkronja, do të kujtohet se Kadare e ngriti Shqipen dhe Shqipërinë në lartësi dhe largësi të panjohura më parë.
Do të mbushemi me krenari se edhe pse Ai i përket letërsisë botërore, ushqeu shpirtërisht e lartësoi moralisht popullin e Tij.
Do të përjetësohet nderi që Shqipëria dhe shqiptaria tek Ai dhe vepra e Tij gjetën formën më të lartë të vetvetes.
Do të na kujtohet se Kadare u shndërrua në pasaportën e Shqipërisë atëherë kur vetë Shqipëria ishte brenda kafazit të izolimit, e qëndroi në atë piedestal edhe kur qemë të përbuzur e të keqkuptuar, luftoi për ne, edhe kur ne luftonim kundër Tij.
Në atë pllakë do të gdhendet emri i kolosit kulturor, humanist, patriotik, që na dha gjithçka e nuk mori kurrë asgjë.
Merci Paris! Merci à la France!”, shkruan Spiropali.
spir
Top Channel
