Juljan Shehu, një nga protagonistët në mesfushën kuqezi, ka reaguar pas fitores historike që Shqipëria arriti në transfertë ndaj Serbisë.
Në deklaratën e dhënë për “DigitAlb” pas ndeshjes, ai nuk e fshehu emocionin për këtë sukses të madh dhe theksoi rëndësinë e këtij rezultati për rrugëtimin drejt Botërorit 2026.
“Emocionet janë të papërshkueshme. Kjo është një nga ditët më të lumtura të jetës sime. I falënderoj të gjithë pafund, që më bënë këtë ditë të mundur. Bëmë krenarë gjithë shqiptarinë.
Motivi ishte maksimal, e dinim që ishte ndeshje jetë a vdekje. Dhamë maksimumin, që kjo ditë të vinte. Është dita jonë, që të festojmë dhe ta shijojmë këtë moment.
Rrugëtimi im, që nga Kastrioti deri sot, nuk ka qenë i lehtë. Pata dëmtim që më la mbrapa. Jam i lumtur që jam në këto momente. Përherë puna shpërblehet, jam i lumtur që kam arritur këtu sot.
Tirana le të festojë sot, është dita e gjithë shqiptarisë që të festojë sot”, u shpreh Juljan Shehu.
Top Channel
