Afera me Cez Dia, mbetet një histori që duhet dëgjuar vetëm në gjykatën antikorrupsion.
Gjykata Kushtetuese ia mbylli mundësinë Kastriot Ismailajt ish administrator i DIA i cili kërkoi shfuqizimin e të gjitha vendimeve që e dënuan me 11 vite burgim për mashtrim me pasoja të rënda dhe pastrim parash.
Kjo do të thotë se me rrëzimin e kërkesës së tij, përfundimisht çdo vendim i shpallur kundër biznesmenit gjendet i vlefshëm e së bashku me të edhe cilësimi si fajtor të administratorit të DIAS për mbledhjen e borxheve ndaj kompanisë CEZ Shpërndarje
Dhe ndërsa përpjekjet e Ismailaj mbyllen në Shqipëri për të vazhduar në Strasburg, në gjykatën e posaçme vazhdon seanca paraprake me 5 të akuzuar, mes tyre edhe ish presidenti Ilir Meta të cilit i adresohet edhe episodi i Cez- Dias sepse siç thotë SPAK favorizoi Ismailajn për lidhjen e kontratës. Si argument prokurorët e posaçëm kanë komunikimet e shpeshta midis të dyve
Por ky qëndrim i SPAK që shton se Meta si ish ministër I kohës ka pranuar dhurata nga Ismailaj, kundërshtohen nga ish funksionari, në burg prej tetorit 2024 dhe së fundmi nën akuzë për korrupsion, pastrim parash dhe fshehje pasurie.
Në hetimin e prokurorisë së Tiranës të cilin Imailaj tentoi të hidhej poshtë si jo kushtetues, u konstatua se kompania që ai drejtonte dhe që duhet të mblidhte borxhet e CEZ përfitoi afro 5 milionë euro. Kjo shumë përmendet edhe në dosjen e SPAK e së bashku me të edhe të dhëna të tjera nga dosja e mëparshme.
Top Channel
