VIDEO/ Protesta pro-palestineze në Zvicër, 20 të plagosur dhe 536 të arrestuar. Dëme të mëdha materiale 12/10 21:20
Izraeli do të lirojë 250 palestinezë të dënuar për terrorizëm si pjesë e marrëveshjes së armëpushimit që arriti me Hamasin.
Në të njëjtën kohë, siç njoftoi këshilltari i Benjamin Netanyahut, Dmitry Gedelman, terroristëve në fjalë do t’u ndalohet përgjithmonë hyrja në Izrael dhe në territoret e Judesë dhe Samarisë.
Ndërkohë, siç u bë e ditur të premten në mëngjes, Ministria izraelite e Mbrojtjes filloi të informojë familjet e viktimave për lirimin e terroristëve të përfshirë në vrasjen e të dashurve të tyre.
Lajmi për lirimin e tyre ka shkaktuar reagime të forta nga familjet e viktimave, të cilat paraqitën një peticion në Gjykatën Supreme kundër marrëveshjes, duke i kërkuar asaj të lëshojë një urdhër me kusht për lirimin e të burgosurve “ose si alternativë të informojë familjet e viktimave paraprakisht, të publikojë informacion të plotë rreth atyre të liruar dhe të verifikojë që lista nuk përfshin të burgosur që shteti nuk ka të drejtë t’i lirojë sipas ligjit”.
I njëjti peticion pretendonte se shteti shkeli detyrimin e tij duke mos i informuar familjet paraprakisht për lirimin e të burgosurve të përfshirë në vrasjen e të dashurve të tyre.
“Gjaku i fëmijëve tanë është bërë letër e negociueshme. Është e qartë për të gjithë se lirimi i terroristëve të Nukhba-s (një grup i armatosur special i Hamasit) është i ndaluar, por a nuk ka problem me lirimin e terroristëve që vranë të dashurit tanë? A është gjaku i tyre më i lirë?”, thonë ata.
Kjo është kërkesa e parë në Gjykatën Supreme që kur qeveria miratoi marrëveshjen mbrëmë.
Top Channel
