Nisin sot universitetet/ Viti i ri akademik, në fund të regjistrimeve priten 22 mijë studentë, 60% vetëm në Tiranë
06/10 15:15
60 familje dhe më shumë se 20 biznese të një pallati në lagjen “Apolonia” në Fier, enden dyerve të institucioneve në Fier pasi kanë mbi dy dekada që kanë hyrë në shtëpitë e tyre, por ende janë pa pajisur me certifikatë pronësie.
Një përfaqësi e tyre u mblodhën paraditen e sotme pranë Kadastrës së Fierit, për të protestuar në lidhje me këtë problematikë të pazgjidhur shumëvjeçare.
Banorët pretendojnë se në objekt nuk ka plan mbivendosje dhe asnjë pengesë ligjore për tu pajisur me dokumente të rregullta.
Ndërkohë ndërtuesi i pallatit 12-katësh, Njazi Vrenozi, pohon se nga 9 pallatet që ka ndërtuar në Fier, ky është i vetmi ku banorët nuk janë pajisur ende me certifikatë pronësie.
Sipas tij ngërçi ka ardhur pasi ka patur një mospërputhje të metrave të deklaruara nga ish- pronarët, problem që është sqaruar tashmë.
I kontaktuar në lidhje me këtë problematikë drejtori i Kadastrës, Evarist Kazheli ka pohuar se dosja do të trajtohet me prioritet për t’i dhënë zgjidhje sa më të shpejtë shqetësimit të banorëve.
Top Channel
