Shërbimi i ri i OSHEE, Balluku bën njoftimin: Pagesë me kartë bankare, pa kosto shtesë 03/10 10:22
Tarifat e tunelit të Llogarasë kanë hyrë tashmë në fuqi për përdoruesit e tij.
Udhëzimi ka hyrë në fuqi me botimin në Fletoren Zyrtare. Ai detajon tarifat e ndara në 5 kategori automjetesh, teksa çmime që variojnë nga 100 lekë deri në 5,000 lekë (Me TVSH).
Skema e detajuar e pagesave për tunelin e Llogorasë:
100 Lekë – motoçikleta dhe mjete të ngjashme me dy rrota.
250 Lekë – makinat e pasagjerëve dhe automjetet e lehta të shpërndarjes (dy boshte, lartësi deri në 1.30 metra).
500 Lekë – makinat e pasagjerëve me rimorkio ose karavan (më shumë se dy boshte, lartësi deri në 1.30 metra).
1,000 Lekë – furgonë, minibusë dhe automjete të mesme (dy ose më shumë boshte, lartësi mbi 1.30 metra).
5,000 Lekë – automjete të rënda me tre ose më shumë boshte, si autobusë dhe kamionë me shumë rimorkio (lartësi mbi 1.30 metra).
Tarifat me abonim për përdoruesit e rregullt do të përcaktohen 6 muaj pas hyrjes në fuqi të këtij udhëzimi.
Nga kjo tarifë për tunelin e Llogarasë janë të përjashtuar disa kategori:
-Policia Rrugore, autoambulancat dhe zjarrfikëset.
-Mjetet ushtarake dhe të NATO-s.
-Personat që gëzojnë statusin e invalidit (kur automjeti përdoret për nevoja personale).
-Mjetet e punonjësve të ARRSH-së ose Entit Kombëtar të Operimit Rrugor gjatë detyrave.
Të përjashtuara kategorikisht për kalimin në tunel janë të gjitha ato mjete të cilat bëjnë transportimin e lëndëve të rrezikshme.
Top Channel
