Një ngjarje e rëndë ka tronditur pasditen e së enjtes fshatin Shënavlash të Durrësit. Rreth orës 14:00, një zjarr përfshiu banesën e familjes Mana.
Si pasojë humbi jetën 42-vjeçarja Kimete Mana, e cila dyshohet se u mbyt nga asfiksia. Flakët që nisën në dhomën ku ndodhej viktima u përhapën me shpejtësi, duke rrezikuar dhe shtëpitë përreth.
Në momentin e ngjarjes, në shtëpi ndodhej edhe nëna e saj, Shefiko. Falë ndërhyrjes së fqinjëve, e moshuara arriti të shpëtonte.Më pas, zjarrfikësit bënë të mundur shuarjen e flakëve, ndërsa policia po heton për rrethanat e ngjarjes.
Paraprakisht, sipas policisë, dyshohet për një shkëndijë elektrike, por nuk përjashtohet mundësia që zjarri të jetë shkaktuar aksidentalisht nga vetë viktima, e cila vuante nga probleme të shëndetit mendor. Teksa dridhet nga të ftohtët, nënë Shefiko tregon dhe kërkon ndihmë.
Familja Mana edhe më parë jetonte në kushte të vështira ekonomike. Në të njëjtën banesë jeton dhe vajza tjetër e nënë Shefikos me dy fëmijët e saj.
Tani, pas humbjes së vajzës dhe me shtëpinë të shkatërruar, e moshuara ka mbetur pa strehë.
Top Channel
