Varur në 828 metra, punëtorët nepalezë pastrojnë ndërtesën më të lartë në botë në Dubai 21/12 14:51
Një nga figurat më të spikatura të mjekësisë shqiptare, Doktor Ylber Vata, është nderuar me vlerësimin maksimal në Kongresin e Parë Klinik të Kirurgëve Shqiptarë, që po mbahet këto ditë në Prishtinë, me pjesëmarrjen e dhjetëra kirurgëve nga të gjitha trojet shqiptare dhe vende të tjera të botës.
Në një atmosferë solemniteti dhe respekti profesional, Dr. Vata u pranua me titullin “Anëtar Nderi i Shoqatës së Kirurgëve të Kosovës”, një titull i rezervuar për mjekët me kontribute të jashtëzakonshme në fushën e kirurgjisë dhe humanizmit.
Doktor Vata kujtoi me emocione kontributin e tij në ndihmë të popullit të Kosovës gjatë luftës së vitit 1999, kur si mjek në spitalin e Kukësit, shëroi qindra të plagosur, ushtarë të UÇK-së dhe civilë të dëbuar nga lufta.
Ky vlerësim i kushtohet edhe qytetit të Kukësit – simbol i sakrificës dhe humanizmit – qytet që në vitin 1999 u propozua për Çmimin Nobel për Paqe, për mikpritjen dhe ndihmën ndaj mijëra shqiptarëve të Kosovës.
Doktor Ylber Vata, sot, nuk është vetëm një emër i njohur në fushën e mjekësisë, por një model i përkushtimit, humanizmit dhe drejtimit institucional. Ai mban titullin “Qytetar Nderi i Prizrenit”, ndërsa prej vitesh është një nga profesionistët më të respektuar në Sanatoriumin e Tiranës.
Me përkushtim profesional dhe integritet njerëzor, ai mbetet një ndër figurat më të çmuara të mjekësisë shqiptare, i duartrokitur jo vetëm në sallat e operacionit, por edhe në ato të nderimit kombëtar.
Top Channel
