Sulm me armë zjarri në zyrën e Imigracionit dhe Doganave në SHBA, tre të plagosur 24/09 15:05
Një gropë 50 metra e thellë është hapur përpara në Bangkok, në të cilën kanë rënë disa makina dhe shtylla elektrike që ndodheshin mbi atë pjesë të rrugës.
Autoritetet lokale mbyllën rrugët përreth spitalit në Qytetin e Vjetër historik rreth orës 7 të mëngjesit, pasi gropa e krijuar çau tubat e ujit dhe shembi linjat e energjisë elektrike.
Gropa, me thellësi 50 metra, shkaktoi panik dhe detyroi evakuimin e shtëpive përreth ndërkohë që Guvernatori i Bangkokut, Chadchart Sittipunt, shkoi menjëherë në vendngjarje duke deklaruar se rrëshqitja ndodhi mbi lidhjen midis tunelit të trenit me dy binarë dhe një stacioni të ri të planifikuar.
WATCH: Massive sinkhole opens up in Bangkok, swallowing parts of a busy street pic.twitter.com/401tq7fB5f
— BNO News Live (@BNODesk) September 24, 2025
“Sapo toka rrëshqiti në tunel, i gjithë tuneli u shemb. Gjithashtu, një tub u thye dhe uji e bëri situatën edhe më të vështirë“, tha guvernatori në një video të postuar në mediat sociale.
“Tani po vlerësojmë dëmet. Besojmë se spitali mund të ruhet, por duhet ta mbyllim menjëherë vrimën përpara se të shembet edhe gjithçka tjetër”, përfundoi ai.
.
Top Channel
