Ministri i Mbrojtjes i Italisë dënon sulmin me dron ndaj anijeve humanitare në Gaza 24/09 19:28
Ukraina ka kryer një operacion të madh duke përdorur një kombinim të dronëve detarë dhe ajrorë kundër Flotës Ruse të Detit të Zi në portin e Novorossiysk në Rusinë jugore.
Dy persona raportohet se u vranë dhe tre u plagosën, me të paktën pesë shtëpi të goditura, tha Guvernatori i rajonit të Krasnodarit Veniamin Kondratyev në kanalin e tij Telegram.
Zyra e Gazsjellësit Kaspik (CPC), një projekt ndërkombëtar që përfshin Rusinë, Kazakistanin dhe kompani të mëdha nafte, u dëmtua gjithashtu. Tubacioni kryesor i CPC transporton naftë nga Kazakistani perëndimor dhe Rusia në terminalin e Novorossiysk për eksport në tregjet ndërkombëtare.
A Ukrainian drone struck the center of Novorossiysk, killing two people and injuring dozens of residents. A hotel and residential buildings were damaged. Debris fell on parked cars. pic.twitter.com/kMNF0eFoWH
— CMNS_Media⚔️ Dr. Physician 🏹VEDA 👣 (@1SanatanSatya) September 24, 2025
Moska kishte zhvendosur tashmë një pjesë të Flotës së saj të Detit të Zi nga Sevastopoli në Krime në Novorossiysk, për shkak të sulmeve të përsëritura ukrainase me raketa dhe dronë që kanë goditur objektet dhe anijet e saj ushtarake.
Kujtohet se kohët e fundit, forcat speciale të Drejtorisë së Përgjithshme të Inteligjencës së Ministrisë së Mbrojtjes së Ukrainës arritën të imobilizojnë një anije ruse pranë Novorossiysk. Është një anije shumëfunksionale e tipit MPSV07, me vlerë afërsisht 60 milionë dollarë. Këto sulme janë pjesë e strategjisë së Kievit për të goditur infrastrukturën kritike ushtarake dhe energjetike ruse, me qëllim dobësimin e Flotës së Detit të Zi dhe ndërprerjen e rrjedhës së energjisë në tregjet ndërkombëtare.
Top Channel
