“Putin më ka zhgënjyer”, Trump: Mendoja se marrëdhënia me presidentin do më ndihmonte të zgjidhja luftën në Ukrainë 18/09 16:55
Tre persona janë arrestuar nga policia britanike nën dyshimin se kanë ndihmuar shërbimet ruse të inteligjencës, dhe kjo, gjatë kohës që Donald Trump është duke zhvilluar vizitën e tij të dytë shtetërore në Mbretërinë e Bashkuar.
Pas lajmit, Newsweek kontaktoi ambasadën e Rusisë në Londër, por nuk mori përgjigje.
Tema e përfundimit të luftës së Moskës në Ukrainë u tha që në fillim se do të ishte një nga pikat kryesore të axhendës së bisedimeve dypalëshe të Trumpit me kryeministrin britanik Keir Starmer.
Aleatët e NATO-s kanë dhënë alarmin për një numër në rritje të komploteve të inteligjencës ruse për të kryer akte sabotimi brenda vendeve të tyre – disa prej të cilave kanë qenë të suksesshme – teksa përplasjet e Rusisë dhe Perëndimit për luftën e Ukrainës, vazhdojnë.
Nga sa shpjegoi policia metropolitane e Londrës, në pranga kanë përfunduar dy burra dhe një grua. Arrestimet u kryen në Essex.
Të tre ata u ndaluan nga oficerët e antiterrorizmit në vazhdën e një hetimi për shkelje të dyshuara të ligjeve të sigurisë kombëtare, dhe pretendimeve se kanë asistuar shërbimet sekrete ruse.
Burrat janë të moshës 41 dhe 46 vjeç, dhe gruaja është 35 vjeç. Shefi i komandës së anti-terrorit në policinë britanike, Dominic Murphy, pohoi se “prej disa kohësh është vënë re një rritje e numrit të personave që rekrutohen nga shërbimet e huaja të inteligjencës.
Top Channel
