Një turist holandez që po kalonte shtegun mes Thethit dhe Valbonës është aksidentuar për vdekje, duke rënë në një humnerë në zonën e Qafës së Valbonës.
Miqtë e tij njoftuan menjëherë policinë, e cila së bashku me ekipet e kërkim-shpëtimit, infermierë dhe helikopter, u nisën drejt vendit të ngjarjes.
Sipas telefonatës së mbërritur në polici, turisti ka rrëshqitur në shtegun e Qafës së Valbonës.
Forcat e njësisë së kërkimit shpëtimit malor në Shqipëri sëbashku me ato të Kosovës, të ndihmuara edhe nga helikopteri kanë mbërritur ne Qafë Valbonë për të nxjerrë turistin që humbi jetën.
Humnera ku ka rënë turisti është gjetur por po punohet për nxjerrjen e trupit. Zona ku ka rënë, është mes Thethit dhe Valbonës.
Top Channel
