Analiza/ Aleatët e Kosovës kthehen si dëshmitarë në Hagë 13/09 16:40
Ervin Salianji ka takuar prindërit e Martin Canit, 14-vjeçari, i cili u vra gati një vit më parë.
Përmes një postimi në rrjetin social Facebook, Salianji ka ndarë foto me prindërit e të të ndjerit, ndërsa bën thirrje se institucionet kanë për detyrim të nxjerrin përgjegjësit.
“Para dyerve të shkollës u shua jeta e Martin Canit! Sot isha pranë prindërve të tij.
Shoqëria shqiptare ka plagë dhe traumat e saj, vrasja e 14-vjeçarit Martin Cani pas një konflikti në shkollë ishte një dramë e rëndë që tronditi opinionin dhe trembi çdo familje. Ngjarje të tilla nuk duhet të harrohen kurrë, sepse janë kambanë alarmi për të gjithë ne.
Sot isha për vizitë tek prindërit e mrekullueshëm të Martin Canit, për të nderuar kujtimin e tij dhe për të ndarë dhimbjen e tyre. Por kjo nuk mjafton. Institucionet kanë detyrimin të nxjerrin përgjegjësit, të mos fshehin fajet pas justifikimeve dhe paralelisht të ndërmarrin masa të qarta: ristrukturim të sigurisë në shkolla, praninë e psikologëve e punonjësve socialë në çdo institucion arsimor, dhe programe edukimi që parandalojnë dhunën mes të rinjve.
Shkolla duhet të jetë vendi ku fëmijët tanë rriten, mësojnë dhe ëndërrojnë të qetë – jo një vend ku rrezikojnë jetën. Kujtimi i Martin Canit duhet të shërbejë si thirrje për veprim, që të mos përsëriten më tragjedi të tilla.“, shprehet Ervin Salianji.
Top Channel
