Lufta në Lindjen e Mesme/ SHBA mbyll ambasadat në Arabinë Saudite dhe Kuvajt, zvogëlon praninë konsullore në disa vende të tjera të rajonit 03/03 13:26
Rusia dhe Ukraina, sipas zëdhënësit të Kremlinit, Dmitry Peskov, janë në një “pauzë” në negociatat e drejtpërdrejta midis dy vendeve.
“Për momentin, ndoshta është më korrekte të flitet për një pauzë”, u tha Peskov gazetarëve, duke shtuar se, megjithatë, kanalet e komunikimit mbeten të hapura.
“Ka kanale komunikimi, ato janë krijuar. Negociatorët tanë kanë mundësinë të komunikojnë përmes këtyre kanaleve, por për momentin, ndoshta do të ishte më e përshtatshme një pauzë”, shtoi ai.
Duke iu referuar pritjeve për rezultatet e negociatave, Peskov theksoi se nuk mund të “vendosim syze rozë” dhe të presim që procesi i negociatave për Ukrainën të japë rezultate të menjëhershme.
Rusia mbetet e gatshme për një zgjidhje të çështjes së Ukrainës, por Europa, sipas Peskov, po e vonon procesin.
“Fakti që europianët po vonojnë procesin është i vërtetë. Nuk është sekret për askënd”, theksoi zëdhënësi i Kremlinit.
Top Channel
