“Nuk do ketë një shtet palestinez”, Netanyahu nga Jeruzalemi: Kjo tokë na përket neve 11/09 20:38
Një pushkë gjuetie e kalibrit .30, model i vjetër, besohet se është përdorur në vrasjen e aktivistit konservator 31-vjeçar Charlie Kirk, i cili u gjet nga agjentët e FBI-së në pyllin pranë Universitetit të Luginës së Utahut.
Arma u gjet e mbështjellë me një peshqir dhe kishte një gëzhoje ende në dhomën e fishekëve dhe tre fishekë të papërdorur në karikator, sipas Wall Street Journal.
Municioni u gjet i gdhendur me slogane pro-transgjinore dhe antifashiste, sipas një memoje të brendshme të zbatimit të ligjit dhe një personi të njohur me hetimin.
Hetimi është duke vazhduar ndërsa autoritetet shqyrtojnë provat dhe të dhënat që mund të hedhin dritë mbi motivet e autorit të vrasjes.
Në kohën e të shtënave, Charlie Kirk ishte në skenë në Universitetin e Utahut, duke folur me një student rreth të shtënave masive që përfshinin persona transgjinorë.
Kirk, i cili ishte ulur nën një tendë dhe mbante veshur një bluzë të bardhë me fjalën “Liri” dhe pantallona të errëta, po merrte pyetje nga publiku kur u sulmua kur një anëtar i publikut mori mikrofonin për ta sfiduar. “A e dini sa amerikanë transgjinorë kanë qenë të përfshirë në të shtëna masive në 10 vitet e fundit?” pyeti ai.
Top Channel
