Ndarja me partnerin dhe planet për martesë, Amber hap zemrën në “Ftesë në 5”: Dy fjalë për Gjestin 08/09 19:42
Komediania amerikane Nikki Glaser ka reaguar për fejesën e Taylor Swift me sportistin Travis Kelce, duke theksuar se marrëdhënia e tyre mund të ndikojë në perceptimin që shumë njerëz kanë për dashurinë dhe partneritetin.
E pranishme në tapetin e kuq të MTV Video Music Awards 2025 më 7 shtator, Glaser – e cila ka ndjekur 22 shfaqje të turneut “Eras” dhe ka shpenzuar rreth 100 mijë dollarë për të parë idhullin e saj – u shpreh se lajmi i fejesës, i bërë publik më 26 gusht në Instagram, e emocionoi pa masë.
Kur u zgjova dhe pashë telefonin plot njoftime, mendova se kishte ndodhur ndonjë tragjedi. Por ishte lajmi më i mirë që mund të merrja!
Glaser shtoi se marrëdhënia mes Swift dhe Kelce duket e shëndetshme dhe e fortë.
“Ai është tipi i djalit që çdo vajzë do për mik apo partner. Është i fiksuar pas saj – dhe këtë e meriton çdo vajzë“, tha komediania.
Sipas saj, ky çift mund të bëhet frymëzim për shumë persona.
Mendoj se disa do ndahen pas këtij lajmi, sepse do thonë: ‘Unë meritoj dikë që më sheh dhe më trajton kështu.’
Glaser theksoi gjithashtu se Taylor Swift gjithmonë ka ngritur standardet për gratë – dhe këtë herë, edhe në dashuri. /TAR
Top Channel
