Paqe me kushte ose luftë totale, ultimatumi i Putinit për Perëndimin: Moska 100%… 05/09 23:05
Stilisti legjendar Giorgio Armani ndërroi jetë më 4 shtator në moshën 92-vjeçare, duke pasur pranë partnerin e tij të jetës, Leo Dell’Orco, i cili ka qenë mbështetësi i tij më i afërt për dekada.
Lajmin e konfirmoi kompania e Armani-t në rrjetet sociale, duke deklaruar se stilisti “ndërroi jetë në paqe, i rrethuar nga të dashurit e tij”.
Giorgio Armani dhe Leo Dell’Orco u takuan rastësisht në Milano në vitet 1970 dhe që atëherë formuan një partneritet të gjatë personal dhe profesional. Dell’Orco iu bashkua kompanisë Armani në vitin 1977 dhe, pas vdekjes së partnerit të mëparshëm të stilistit, Sergio Galeotti, u bë krahu i djathtë dhe mbështetësi kryesor i Armani-t.
Armani e konsideronte Dell’Orcon si personin më të afërt dhe besnik, duke e përshkruar marrëdhënien e tyre si një “partneritet të përjetshëm”.
Përveç mbështetjes personale, Dell’Orco kishte një rol kyç në drejtimin e koleksioneve për meshkuj të të gjitha markave të shtëpisë Armani, duke përfshirë Giorgio Armani, Emporio Armani dhe Armani Exchange.
Para vdekjes, stilisti fliste shpesh për planet e trashëgimisë së tij, duke u përqendruar në transferimin gradual të përgjegjësive tek Dell’Orco, mbesa e tij Silvana Armani dhe ekipi i punës, për të siguruar që trashëgimia e markës të ruhej organikisht.
Giorgio Armani do të mbahet mend si një ikonë e modës botërore dhe një vizionar që la gjurmë të pakrahasueshme në industrinë e stilit./ TAR
Top Channel
