Berati nuk ka vetëm ullinj! Nga emigracioni tek fiqtë, fermeri që kultivon varietetin e rrallë të Roshnikut
31/08 15:19
Lezha u rendit e para në vend për pastërti nga vetë kryeministri Edi Rama.
Po ashtu, prej disa kohësh Bashkia e Lezhës ka nisur zbatimin e një rregulli të ri për menaxhimin e mbetjeve, duke përcaktuar orare të caktuara për hedhjen e tyre nga bizneset dhe qytetarët. Qëllimi i këtij vendimi është ruajtja e pastërtisë dhe përmirësimi i mjedisit në qytet.
Duke filluar nga kjo verë, bizneset duhet të hedhin mbeturinat në intervalin 20:00 – 23:00, ndërsa qytetarët vetëm gjatë orës 19:00 – 21:00.
Pas këtij vendimi, çdo shkelje e konstatuar nga Policia Bashkiake, përfshirë edhe hedhjen e mbeturinave jashtë orarit, do të penalizohet me gjobë.
Drejtori i Shërbimeve në Bashkinë e Lezhës, Jurgen Marku, bëri të ditur se në zonat problematike janë vendosur edhe kamera sigurie për monitorim, ku janë identifikuar biznese që hedhin mbeturina jo vetëm jashtë orarit të caktuar, por edhe në tokë, edhe pse koshat janë bosh.
Nga ana tjetër, qytetarët e kanë mirëpritur një vendim të tillë, duke u shprehur se vendosja e kamerave dhe e orareve është në shërbim jo vetëm të qytetit, por edhe shëndetit të komunitetit, duke mos i lënë koshat të ndotur gjatë ditës.
Ky vendim pritet të sjellë një ndryshim të dukshëm në standardet e pastërtisë në qytet, duke përmirësuar imazhin, por edhe duke ndikuar në disiplinimin dhe përgjegjësinë qytetare për një Lezhë më të pastër.
Top Channel
