Berati nuk ka vetëm ullinj! Nga emigracioni tek fiqtë, fermeri që kultivon varietetin e rrallë të Roshnikut
31/08 15:19
Në Shkrel të Malësisë së Madhe, në heshtjen e fshatrave të zbrazur, është çelur një kamp veror i organizuar nga Kisha Katolike.
Për disa ditë me radhë, ky vend po merr jetë nga zhurmat e 20 të rinjve skautistë nga Ferrara e Italisë, të cilët janë bashkuar me ata pak bashkëmoshatarë vendas për të ndarë eksperienca, lojëra dhe miqësi.
Giovanni Rosso: “Është hera e parë që vijmë në Shqipëri si grup skaut. Mund të them se këtu, mes natyrës, po ia kalojmë shumë mirë dhe po mësojmë gjëra të reja nga kultura juaj. Dita është e gjatë dhe e lodhshme, pasi nis me fëmijët e vegjël, me punët në grup, lojërat argëtuese. Shqipëria është e ngjashme me Italinë dhe jemi shumë mirë këtu, kemi të përbashkëta të shumta”.
Milana Labazanova: “Për mua është hera e parë që jam në Shqipëri dhe më pëlqen shumë ambienti këtu dhe njerëzit mbi të gjitha. Dita jonë është e gjatë dhe nis me fëmijët, organizojmë lojëra të ndryshme dhe mësime. Shumë argëtuese për të gjithë. Pastaj gjuha, me gjithë vështirësitë, është e bukur sepse këtu të gjithë kuptojnë italisht”.
Anna Carrà: “Kisha kohë që doja ta vizitoja Shqipërinë dhe është pak ndryshe nga sa e prisja, por është shumë vend mikpritës. Të rinjtë këtu janë të hapur dhe bashkëpunues, kanë dëshirë të ndërveprojnë. Janë të shkathtë, pasi mendoja se nuk dinin italisht, por është bukur të flasësh me ta, ndërsa ne jemi duke u përpjekur të mësojmë shqip. Pastaj kemi eksploruar edhe natyrën këtu dhe është fantastike”.
Famullitari i Shkrelit, dom Nikolin Sheldija, tregon se si braktisja ndër vite ka ndryshuar realitetin e zonës dhe bën apel që këto vende me bukuri të rrallë e me potencial të madh të mos mbeten të harruara.
Në kuadër edhe të vitit jubilar të shpallur nga Vatikani me temën “Shtegtarë të Shpresës”, Kisha Katolike shqiptare po përpiqet të krijojë ura miqësie mes të rinjve nga vende të ndryshme.
Top Channel
