Në 15 vite infarktet u dhjetëfishuan! Mjekët kardiologë: Shkak është bërë jeta shumë sedentare
31/08 15:16
Berati nuk ka vetëm ullinj, në fshatin Roshnik çdo banesë ka parcelën e tij me fiqtë e rrallë të kësaj zone.
“Ky është fiku më i mirë, fik Roshniku është varitet autokton”, shprehet gazetarja e Top Channel, Rudina Muça.
Demir Serani, 10 vite më parë u kthye nga emigrimi për të mbjellë një parcel gjidande me fiq. Nga këto 150 rrënjë ai arrin të prodhojë 2 ton me fiq të thatë. Ai thotë se kjo fiku si kulturë bujqësore kërkon pak punë dhe të jep shumë fitim.
“Jam kthyer nga emigracioni, dhe merrem me fiq, pata rrush, por i hoqa sepse ai kërkon shumë punë, dhe tani merrem vetëm me fikun e thatë”, shprehet Demir Serani, fermer.
I nxehti përvëlues fermerëve nuk u ka dhënë sasinë e duhur në të mbjellat e tyre.
“Një kilogram fik të njomë këtu tek unë është shitur me 1000 lekë/kg. Temperaturat e larta bënë që kokrra e fikut të jetë më vogël dhe të prodhojë më pak”, shton ai.
Fiku i thatë ose i njohur ndryshe me emrin palafik, është një traditë në këtë zonë. E sipas zakonit që ky frut të ruaj vlerat ushqyese tharja e tij këshillohet të bëhet në diell, dhe kjo kërkon kohë.
“Ne i kthejmë me dorë dhe i lëmë 5-6 ditë këtu në diell”, shprehet Lina Serani, fermerë.
Pak rëndësi ka nëse është fik i njomë apo i thatë, për këtë vit ky ishte frut që kushtoi tepër shtrenjtë, ku fillimi i sezonit shënoi një çmim prej 10 mijë lekësh të reja për kilogram. Dhe ky çmim nuk u diktua as nga moti dhe as nga fermerët, janë tregtarët ata që rriten vlerën e frutit që kërkon pak mund dhe shumë para.
“Vjet 1 kg e kemi shitur 3000 lekë, këtë vit ka më pak e besoj do të ketë çmim më të mirë”, përfundoi ajo.
Top Channel
