Apolonia më e preferuara, por numri i vizitorëve në park në një ditë nuk është më shumë se 600

31/08/2025 12:46

Vetëm 12 kilometra larg Fierit, Parku Arkeologjik i Apolonisë po tërheq gjithnjë e më shumë vizitorë.

Çdo ditë, mesatarisht 500 deri në 600 turistë, vendas dhe të huaj, zbulojnë pasuritë arkeologjike dhe historike të këtij qyteti antik.

Turistët nga Italia, Polonia, Franca e vende të tjera të Europës vlerësojnë monumentet, arkitekturën e lashtë dhe muzeun arkeologjik, ndërsa shprehen të surprizuar nga pasuria kulturore e Shqipërisë.

Arkeologu Arjan Dimo thotë: “Edhe këtë gusht kemi parë rritje të vizitorëve, rreth 12% më shumë se një vit më parë. Turistët vijnë në grupe kulturore gjatë pranverës dhe vjeshtës, ndërsa verës janë kryesisht pushues që shkojnë edhe në det, por ndalen në Apoloni.”

Me vlerat historike që mbart, Apolonia mbetet një dëshmi e gjallë e trashëgimisë sonë kulturore dhe një magnet i fuqishëm për turizmin elitar dhe kulturor në Shqipëri.

Top Channel