Drama e Bruce Willis, aktori transferohet në një shtëpi tjetër i ndarë nga familja pas gjendjes së përkeqësuar shëndetësore 30/08 21:21
Këngëtarja e njohur nga Barbadosi, Rihanna, ka mbushur 20 vite në industrinë muzikore.
Me këtë rast, ajo ndau një postim emocional në rrjetet sociale, duke shprehur mirënjohje për gjithë rrugëtimin e saj artistik dhe ata që e kanë mbështetur në këtë udhëtim.
Në një video të publikuar në Instagram, ku përmblidhen disa nga hitet më të mëdha të saj dhe sukseset e arritura gjatë viteve, Rihanna kujtoi me emocion momentet e para të karrierës dhe vendimin e guximshëm për të lënë vendlindjen, kulturën, ushqimin dhe familjen për të ndjekur ëndrrën në skenën ndërkombëtare.
Ajo shkroi: “20 vjet më parë lashë vendin tim, kulturën time, ushqimin dhe familjen për të nisur një udhëtim që filloi me publikimin e veprës sime të parë muzikore! Shumë prej jush kanë qenë pjesë e jetës dhe karrierës sime që nga fillimi, dhe shumë të tjerë i janë bashkuar gjatë rrugës. Ju jam përjetësisht mirënjohëse. Secili prej jush ka luajtur një rol vendimtar në drejtimin ku më ka çuar ky udhëtim deri më sot.”
Rihanna, tashmë 37 vjeç, nuk harroi të falënderonte fansat që e kanë mbështetur ndër vite, si dhe Zotin për gjithçka ka arritur: “Doja vetëm ta shfrytëzoja këtë moment për t’ju falënderuar. Faleminderit për 20 vitet e para më të mrekullueshme – 20 vite me fansat më besnikë dhe të përkushtuar, 20 vite punë të palodhur dhe ekipe të mrekullueshme përreth meje, 20 vite mësime, përvoja dhe arritje të paharrueshme, 20 vite me familjen time, mbështetja ime numër një dhe të gjithë ata që më thanë ‘po’ dhe më dhanë një shans për të ecur përpara. Falënderoj Zotin, i cili ka qenë kaq bujar me mua, dhe lavdia i takon Atij.”
Rihanna mbetet një nga artistet më të suksesshme dhe me ndikim në botë, me një karrierë që vazhdon të frymëzojë miliona njerëz në mbarë globin.
Top Channel
