Rihanna feston 20 vjet në industrinë e muzikës: Falënderoj Zotin që është treguar kaq bujar me mua 30/08 21:06
Bruce Willis transferohet në një shtëpi të veçantë për kujdes të përhershëm, teksa gjendja e tij është përkeqësuar.
Aktori i njohur Bruce Willis është transferuar në një shtëpi të veçantë ku jeton nën kujdesin e një ekipi infermierësh dhe kujdestarësh 24 orë në ditë, shtatë ditë në javë, pas përkeqësimit të gjendjes së tij mendore.
“Ka qenë një vendim shumë i vështirë për t’u marrë”, ka thënë bashkëshortja e tij, Emma Heming, gjatë një interviste me gazetaren Diane Sawyer në ABC. “Por është ajo që ai do të kishte dashur për vajzat e tij,” shtoi ajo.
Ylli i filmave Die Hard vuan prej kohësh nga një formë demence progresive. “Bruce do të kishte dashur që Mabel dhe Evelyn të jetonin në një shtëpi të përshtatur për nevojat e tyre, jo për të tijat”, u shpreh Emma Heming. Shtëpia e re ndodhet pranë banesës kryesore të familjes, dhe vajzat – që janë 13 dhe 11 vjeçe – e vizitojnë shpesh të atin.
Ndërkohë, disa studime të reja po hetojnë mundësinë që një ilaç kundër kolesterolit të shërbejë si armë potenciale në luftën kundër demencës, me rezultate pozitive në testimet laboratorike mbi organoide të trurit, sipas raportimeve të ANSA-s.
Willis ka edhe tre fëmijë të rritur nga martesa e tij me aktoren Demi Moore: Rumer, 37 vjeçe, Scout, 34, dhe Tallulah, 31. Nga ana fizike, aktori “është shumë mirë”, por siç kishte zbuluar Heming pak ditë më parë, truri i tij “po dorëzohet”, ashtu si edhe aftësia e tij për të komunikuar me botën përreth.
Top Channel
