Maturantët duan “shtetin”, 60% e maturantëve kanë zgjedhur të aplikojnë në universitetin e Tiranës
28/08 19:52
Akademiku Artan Fuga, e sheh me shqetësim marrëdhënien e brezave në familje, komunikimin që kanë prindërit me të rinjtë dhe adoleshentët.
Në një reagim të bërë në rrjetet sociale, duke iu referuar një sondazhi për këtë çështje, Fuga shprehet se të rinjtë nuk flasin me prindërit për problemet e tyre personale dhe se ndihen të pakuptuar prej tyre.
Fuga i bën thirrje Ministrisë së Arsimit po ashtu, që të kthejë vëmendjen tek ky problem, i cili duhet trajtuar me kujdes sipas profesorit të njohur.
Reagimi i plotë:
Kriza e marrëdhënieve mes brezave në familje
Shihni sa pak i ndajnë adoleshentët dhe të rinjtë me familjet e tyre (prindërit) shqetësimet intime dhe private që kanë në jetën e tyre personale.
Nga 1 në 7, kur i ndajnë pak 1, kur i ndajnë shumë 7. (Sipas sondazhit nga agjencia që i besoj më shumë në Shqipëri përballë sondazheve prej amatorësh që nuk mungojnë)
A tregon kjo krizën e familjes, izolimin e brezave nga njëri tjetri, dëshmon për atë që quhet “verbëri” e prindërve përballë halleve dhe shqetësime të rinisë?
Bisedë e gjatë. Nuk di se çfarë bën për rininë ajo që quhet Ministria e Arsimit, Rinisë dhe Sporteve, sepse se çfarë bën për rininë dhe sportet e di.
Dhe pastaj fajin e ka TikToku, telefoni, rrjetet sociale!!!
Të rinjtë, adoleshentët janë lënë vetëm, ata me të drejtë mendojnë se të rriturit nuk i kuptojnë, kot të flasësh me ta!
Një në shtatë pohon se kur ka halle ekzistenciale intime, shqetësime kur komunikon, hapet me prindërit!
Kujdes!
Top Channel
