“Bombat e shiut” nesër në Shqipëri! Meteorologu grek Arnaoutoglou paralajmëroj për stuhi të forta, zonat që rrezikojnë më tepër
29/08 13:22
Pas përfundimit të ndeshjes mes Dinamo City dhe skuadrës polake Jagiellonia, e zhvilluar të enjten mbrëma në stadiumin “Arena Kombëtare”, situata në disa zona të Tiranës është tensionuar për shkak të përplasjeve mes tifozëve shqiptarë dhe atyre të huaj.
Një nga incidentet e para është regjistruar pranë stadiumit, ku një tifoz polak është konfrontuar fizikisht nga disa persona. Sipas informacioneve paraprake, i njëjti tifoz dyshohet se gjatë orëve të pasdites ishte filmuar duke kryer një akt provokues ndaj bustit të Heroit Kombëtar, Gjergj Kastrioti Skënderbeu, në sheshin “Skënderbej” – një veprim që shkaktoi indinjatë të gjerë në publik dhe reagime të ashpra në rrjetet sociale, ndërsa në ndeshjen e parë të luajtur në Poloni, ata provokuan me banderolat “Kosova është Serbi”.
Por tensioni nuk u ndal vetëm aty. Në orët pas ndeshjes, një tjetër incident ka ndodhur pranë aeroportit të Rinasit, ku autobusi me tifozë të Jagiellonias është sulmuar nga një grup tifozësh shqiptarë. Në video të publikuara online dëgjohen thirrje dhe shihet qartë momenti kur autobusi goditet, ndërsa atmosfera bëhet gjithnjë e më e tensionuar.
28.08.2025, FC Dinamo City🇦🇱 – Jagiellonia Bialystok🇵🇱, Tirona Fanatics🇦🇱 attack Jagiellonia buses they dont stop for fight, click for more here: https://t.co/XvVfX9iriu
All in one place. Tap to download.
🔗 https://t.co/FXnrFRp1rX pic.twitter.com/L61wgNSI3O— Hooligans.cz Official (@hooliganscz1999) August 28, 2025
Në vendngjarje ndërhynë menjëherë forcat e policisë, të cilat kanë shtuar praninë në zonat strategjike për të garantuar rendin dhe për të shmangur përshkallëzimin e dhunës.
Gazetarja Dorjana Bezat mëson për Top Channel se policia po kryhen veprime të mëtejshme hetimore për të identifikuar dhe verifikuar personat e përfshirë në incidentet e mbrëmjes. Deri tani, disa persona janë shoqëruar në komisariat për marrje në pyetje, ku tre persona janë arrestuar, ndërsa dy janë nën hetim.
Njoftimi i policisë:
Penguan qarkullimin e automjeteve dhe gjuajtën me sende të forta 3 autobusë që transportonin tifozët e një ekipi futbolli, identifikohen 5 shtetas. Vihen në pranga 3 prej tyre, procedohen në gjendje të lirë 2 të tjerë.
Specialistët për Hetimin e Krimeve të Komisariatit të Policisë Nr. 7, në bashkëpunim me shërbimet e Sektorit të Forcës së Posaçme “Shqiponja”, arrestuan në flagrancë shtetasit A. M., 32 vjeç, K. S., 29 vjeç dhe Sh. S., 30 vjeç, dhe referuan materialet në Prokurori ku nisi procedimi penal për 2 shtetas të mitur 17 vjeç.
Nga veprimet hetimore dyshohet se këta shtetas, pas mesnate, në aksin rrugor “Qafë Kashar – Rinas”, kanë penguar qarkullimin e automjeteve dhe kanë gjuajtur me sende të forta, 3 autobusë që transportonin tifozët e një ekipi futbolli.
Punohet për identifikimin dhe kapjen e shtetasve të tjerë të përfshirë në këtë rast.
Materialet procedurale i kaluan Prokurorisë, për veprat penale “Prishja e rendit dhe qetësisë publike”, “Shkatërrim i pronës” dhe “Pengim i qarkullimit të mjeteve të transportit”, të kryera në bashkëpunim.
Top Channel
