Një pronar kompanie mobiliesh të njohur në Itali u ka dhënë 180 punonjësve të tij bonus 1500 euro… në ditën e tij të lindjes.
Sipas ‘Corrier’, pronari Giampietro Nardi zgjodi këtë mënyrë për të festuar përvjetorin e tij të 80-të. E gjithë historia buron nga një përvjetor shumë i veçantë, siç shpjegojnë vajzat e Floriana dhe Anna.
“Këtë vit, babai im mbushi tetëdhjetë vjeç dhe ne, vajzat e tij, vendosëm ta festonim këtë moment të rëndësishëm duke shkruar një libër për historinë e tij. Babai ynë është një njeri i thjeshtë, i vetë-bërë, i cili mbështeti shumë njerëz në fshatin e tij. Për të shënuar këtë rast, ne organizuam një festë me punonjësit, të cilët vendosën t’i dhuronin një libër me dedikimet e tyre, disa prej të cilave ishin shumë personale. Babai ynë u prek vërtet nga iniciativa dhe vendosi t’u jepte atyre një dhuratë”, shpjegojnë ato.
“Kompania është bërë ajo që është, pjesërisht falë njerëzve që besuan në të dhe që punojnë çdo ditë për ta zhvilluar. Ne u detyrohemi shumë stafit”, shtuan ato.
Top Channel
