U përdorën nga forcat ruse për të transportuar armë dhe furnizime, ushtria ukrainase godet urat hekurudhore në Krime 19/06 18:02
Skema e ngjyrave
Madhësia e shkrimit
“Massimo nuk është keq, nuk duhet të jetë asgjë shqetësuese”.
Kështu është shprehur Milly Moratti për gjendjen e ish-presidentit të Interit, i shtruar të martën në mbrëmje në spitalin Humanitas të Rozzano-s për shkak të një pneumonie dhe më pas i transferuar në terapi intensive. “Pas disa orësh do të dimë diçka më shumë”, shtoi bashkëshortja e Morattit për ‘Repubblica’.
Gjendja e tij nuk është kritike, por situata është serioze: ish-numri një i klubit zikaltër, i cili fitoi 16 trofe gjatë 18 viteve në krye të klubit, me kulmin e Tripletës në vitin 2010, është intubuar dhe i është dhënë qetësues pasi kishte vështirësi të merrte frymë vetë. Gjatë ditës mund të dalë një buletin mjekësor.
“Moratti është një mik, një person i jashtëzakonshëm – tha administratori i deleguar i Monzës dhe ish-Milani, Adriano Galliani – Jam i sigurt se do të shërohet”.
Janë të shumta mesazhet e dashurisë dhe mbështetjes që kanë ardhur përmes rrjeteve sociale. Moratti mbushi 80 vjeç më 16 majin e kaluar. Në mesin e mbi njëqind ish-lojtarëve të Interit të ftuar, bashkë me të gjithë familjarët, në festën surprizë të organizuar nga fëmijët Carlotta dhe Angelo Mario (Mao) në vilën e Imbersago-s, në zonën e Lecco-s, ishin edhe Ronaldo, Recoba dhe Vieri.
Top Channel
