Në Borsh u arrestua pronari i një hoteli pasi akuzohet se kërcënoi me armë zjarri dy punonjëset e tij.
Emanuel Shkëmbi, 26 vjeç mësohet të jetë konfliktuar me një 21-vjeçare dhe nënën e saj 53-vjeçe dhe më pas i ka kanosur me pistoletë.
Ngjarja ndodhi të hënën në ambientet e hotelit, ndërsa një video e policisë tregon momentin kur pronari i ndjek nga pas dy punonjëset e tij duke i kanosur.
Nën hetim është vënë edhe babai i pronarit, 56-vjeçari, Alfred Shkëmbi. Ky i fundit akuzohet se ka ushtruar dhunë fizike ndaj punonjëses 21 vjeçare. Për ngjarjen po hetohet edhe një 76-vjeçar që akuzohet se ka fshehur armën e zjarrit tip pistoletë pas konfliktit. Pistoletën e gjeti policia e të fshehur në një valixhe.
Policia thotë se ka sekuestruar armën e zjarrit pistoletë, 1 krehër pistolete si dhe 8 fishekë 9 mm. Ndonëse rrethanat e ngjarjes nuk janë të qarta, hetimet për incidentin që ndodhi në një ditë kur Borshi vijon të jetë i mbushur me turistë dhe mjaft i frekuentuar, po vijojnë.
Top Channel
