Spektakël në St. James’ Park! 5 gola dhe fitore historike e Liverpool kundër Newcastle, tre pikët për kampionët e Anglisë vijnë nga një 16-vjeçar 25/08 23:06
Reperi dhe këngëtari amerikan Lil Nas X (emri i vërtetë: Montero Lamar Hill) është akuzuar me katër krime të rënda, pasi sipas policisë u përplas me oficerët që e ndaluan ndërsa po ecte i zhveshur në një rrugë të Los Anxhelosit javën e kaluar.
Sipas zyrës së prokurorit, ndaj 26-vjeçarit janë ngritur tre akuza për dhunë ndaj një oficeri policie me lëndime dhe një akuzë për rezistencë ndaj një oficeri ekzekutiv. Fillimisht, ai ishte arrestuar për pengim të një oficeri me kundërvajtje.
Ngjarja ndodhi të premten rreth orës 06:00 në Ventura Boulevard, një nga rrugët kryesore të lagjes Studio City. Kur u përball me policinë, Lil Nas X dyshohet se u hodh drejt tyre, gjë që solli arrestimin e tij. Për shkak të dyshimeve për mbidozë, ai u dërgua fillimisht në spital dhe më pas në paraburgim, ku ndodhet ende.
Ai pritet të dalë para gjykatës për seancën e parë të hënën. Përfaqësuesit e tij nuk kanë dhënë ende një koment.
Lajmi për akuzat u raportua fillimisht nga TMZ.
Lil Nas X u bë i njohur në vitin 2018 me superhitin “Old Town Road”, që qëndroi 19 javë rresht në vendin e parë të Billboard Hot 100, duke thyer çdo rekord. Albumi i tij i parë, “Montero” (2021), arriti në vendin e dytë të Billboard 200 dhe mori nominim për Grammy në kategorinë “Albumi i Vitit”.
Top Channel
