Spektakël në St. James’ Park! 5 gola dhe fitore historike e Liverpool kundër Newcastle, tre pikët për kampionët e Anglisë vijnë nga një 16-vjeçar 25/08 23:06
Elton John dhe bashkëshorti i tij, David Furnish, treguan se martesa e tyre është më e fortë se kurrë, teksa u shfaqën dorë për dore në jahtin e tyre luksoz Wabi Sabito, me vlerë 23 milionë funte (rreth 26.5 milionë euro), gjatë një udhëtimi në Francë.
Ata ishin të shoqëruar nga djemtë e tyre, Zachary, 14 vjeç, dhe Elijah, 12 vjeç, si dhe miqtë Aaron dhe Sam Taylor-Johnson.
Çifti tregoi ngrohtësi dhe mbështetje, veçanërisht duke pasur parasysh humbjen e pjesshme të shikimit të Eltonit në syrin e djathtë për shkak të një infeksioni të rëndë.
Elton ka kaluar më shumë kohë me djemtë e tij, të cilët i konsideron motivin kryesor për vendimin e tërheqjes nga turnetë muzikore: “Ardhja në jetë e fëmijëve ndryshoi gjithçka për mirë… gjithçka ka të bëjë me ta, me mirëqenien dhe të ardhmen e tyre“.
Legjenda e muzikës vazhdon të jetë aktiv në industrinë muzikore, duke publikuar albumin “Who Believes in Angels” në bashkëpunim me Brandi Carlile, dhe duke festuar 35 vjet pa konsum alkool, një arritje e madhe personale.
Ky udhëtim në Francë tregon fuqinë e lidhjes familjare dhe dashurisë së fortë që Elton dhe David ndajnë, duke vënë në pah se pas viteve të sfidave dhe miliona shfaqjeve, familja mbetet gjithmonë prioriteti kryesor.
Top Channel
