Lufta kundër Piraterisë/ AMA miraton ndryshimet në Rregulloren e Autorizimeve: masa përforcuese ligjore për subjektet
22/08 12:35
Bashkia e Divjakës synon zhvillimin e turizmit të qëndrueshëm në territorin e saj. Për ta bërë këtë konkrete ka nisur një bashkëpunim të ngushtë me bashkinë e Ankonës në Itali.
Dy kryetarët e bashkive nënshkruan një memorandumi bashkëpunimi. Projektet e përbashkëta i prezantoi kryebashkiaku Josif Gorrea dhe lidheshin me detin e lagunën, trajtimin e ujërave të ndotura, kompostimin e mbetjeve organike si dhe sitet arkeologjije
Në Ankona jetojnë 1500 qytetarë të Divjakës dhe kjo është ura e fortë lidhëse midis dy qyteteve.
“Mendoj se qytetarët e Ankonës mund të gjejnë këtu jo vetëm turizmin detar por edhe kulturor. Potencialin dhe problemet e zonës ne i dëgjuam dhe do të ndihmojmë në zgjidhjen e disa prej tyre siç ishte biodiversiteti dhe laguna. Kjo nuk është e thjeshtë, ndaj ne do të angazhohemi në krijimin e një projekti të një niveli të lartë. Ky është takimi ynë i parë dhe do të bëjmë të mundur që turizmi shqiptar i cili për momentin është në modë për ne italianët, të zgjatet në kohë”, shprehet Giovanni Zinni, nënkryetar i bashkisë Ancona, Itali.
Më herët u kryen vizita të përbashkëta, në zonat turistike te Divjakës , në Lagunën dhe kishën e Karavastasë, në bregdetin e Adriatikut etj. Italianët e konsideruan Divjakën një potencial të madh zhvillimi dhe premtuan që disa nga projektet do t’i paraqisin në BE për të tërhequr ndihma ekonomike për investime të mëdha.
Top Channel
