“Pasqyra e shoqërisë që ne kemi ndërtuar”/ Luiz Ejlli reagon për tragjedinë në Maliq: Për sa kohë heshtim, thika është në duart tona! 15/08 16:52
Pushimet e Leonardo DiCaprio-s në Ibiza u ndërprenë papritur nga një kontroll i policisë.
Aktori i njohur u ndalua dhe iu kërkua dokumenti i identifikimit nga Guardia Civil, vetëm disa hapa larg një vile ku po merrte pjesë në një festë private të organizuar nga këngëtari spanjoll Arón Piper, së bashku me personazhe të tjerë të famshëm.
Incidenti, që ndodhi muajin e kaluar, u bë publik vetëm tani pas përhapjes virale të një videoje të shkurtër ku DiCaprio shfaqet duke pritur në radhë me partneren e tij, modelen Vittoria Ceretti, dhe dhjetëra të tjerë, gjatë kontrolleve nga oficerët e policisë.
Sipas dëshmitarëve të cituar nga mediat spanjolle, aktori ishte i qetë dhe bashkëpunues gjatë kontrollit, i cili ishte pjesë e procedurave normale të sigurisë për eventin dhe jo rezultat i një hetimi specifik.
Një burim për Daily Mail theksoi: “Çdo i ftuar u kontrollua dhe u identifikua”, duke e cilësuar situatën si masë të rregullt sigurie.
Gjatë verës, DiCaprio ka marrë pjesë në disa evente të profilit të lartë, përfshirë Gala One Summer Gala në Saint-Tropez, ku u shfaq me Ceretti, Natasha Poonawalla, Christian Louboutin dhe Jamie Foxx.
Ky incident në Ibiza shënon një moment të papritur gjatë një vere plot aktivitet dhe festa për aktorin e famshëm.
Top Channel
