Tragjike në Gjermani! 37-vjeçari i merr jetën vetes dhe foshnjës së tij 3-muajshe pasi vrau gruan e tij gjatë një zënke 11/08 21:24
Udhëheqësit europianë dhe presidenti ukrainas, Volodymyr Zelensky do të flasin në telefon me presidentin amerikan, Donald Trump të mërkurën, përpara takimit të tij të ardhshëm me homologun e tij rus, Vladimir Putin të premten në Alaska, tha qeveria gjermane.
Zëvendëspresidenti amerikan, J.D. Vance do t’i bashkohet gjithashtu telefonatës, e cila është planifikuar për orën 3 pasdite sipas kohës së Berlinit, tha zëdhënësi kryesor i Kancelarit Friedrich Merz, Stefan Cornelius, në një email, sipas Bloomberg.
Putin po kërkon që Ukraina të lëshojë të gjithë rajonin lindor të Donbasit, si dhe Krimenë, të cilën forcat ruse e pushtuan në vitin 2014, si kusht për hapjen e bisedimeve për një marrëveshje të përhershme paqeje.
Zelensky ka thënë se qeveria e tij nuk do të lëshojë territor për t’i dhënë fund luftës, ndërsa udhëheqësit evropianë janë zotuar të vazhdojnë të mbështesin sovranitetin e Ukrainës.
Top Channel
