Ekonomi Të Fundit

Inflacioni arrin në 2.5%! Argëtimi, veshjet dhe ushqimet shtrenjtuan çmimet

08/08/2025 15:08

Rritja e konsumit si pasojë e sezonit veror edhe turizmit, argëtimi por dhe blerjet në veshje kanë shtrenjtuar më shumë çmimet në muajin korrik.

Inflacioni ose thënë ndryshe treguesi i ndryshimit të çmimeve në harkun e një viti arriti në 2.5% muajin që shkoi. Niveli më i lartë në 17 muaj.

Çmimet tek ushqimet qëndruan edhe më të larta se inflacioni total në vend. Konkretisht muaji korrik i shtrenjtoi me 3.2%. Brenda grupit të ushqimeve vajrat dhe yndyrat patën rritjen më të lartë të çmimeve. As perimet nuk mbeten pas për çmime te kripura, ndërsa i lartë inflacioni qëndron edhe tek qumësht, djathë dhe vezë, mish, fruta e peshk.

Turizmi medoemos ka ndikuar ndjeshëm jo vetëm tek ushqimet por dhe argëtimi e kultura dhe pijet alkoolike. Qiratë gjithashtu u shtrenjtuan ndjeshëm në harkun e një viti sipas INSTAT me 3%. Në këtë valë të rritjes së çmimeve inflacioni tek baret, restorantet dhe hotelet arriti në 2%.

Pozitivisht në treguesin e ndryshimit të çmimeve ndikoi vetëm transporti i cili vijon me një rënie 0.4%.

Inflacioni sipas Bankës së Shqipërisë nga një këndvështrim i përgjithshëm është një “superprodhim” i parasë, i cili në njërën anë, në mënyrë të dukshme rrit çmimet e mallrave dhe në anën tjetër ul fuqinë blerëse të parasë. Banak e Shqipërisë nëpërmjet politikës monetare ka si qëllim mbajtjen e këtij treguesi në objektivin prej 3%. Sipas Bankës qendrore inflacioni pritet që deri në fund të vitit të arrij synimin e vendosur.

ECURIA E INFLACIONIT

(Burimi: INSTAT)

Janar 1.9%

Shkurt 1.9%

Mars 2.1%

Prill 2.3%

Maj 2.2%

Qershor 2.4%

Korrik 2.5%

INFLACIONI TEK USHQIMET

(Burimi: INSTAT)

Vajra dhe yndyrna 6.7%