Zjarret në Finiq/ Ministria e Mbrojtjes: Situata po shkon drejt normalizimit! Vijon puna nga toka për të shuar çdo vatër që mund të riaktivizohet

Pas ndërhyrjes nga ajri me helikopterin e Forca Ajrore dhe punës së pandërprerë nga toka, ku morën pjesë 28 efektivë me 8 automjete zjarrfikëse nga MZSH-të e bashkive Finiq, Sarandë, Delvinë, Konispol, Gjirokastër dhe Dropull, 30 trupa të Forcat e Armatosura të Shqipërisë dhe 3 zjarrfikëse, të ndihmuar nga 5 forca të pyjores dhe 40 forca vullnetare, zjarret janë vënë nën kontroll.

Më tej Mbrojtja thotë se aktualisht po vijon puna nga toka për të shuar çdo vatër që mund të riaktivizohet gjatë orëve në vijim në fshatrat Dhivër, Shëndre dhe Cerkovicë, ku dalëngadalë banorët po kthehen në shtëpitë e tyre.

Top Channel