Tronditet Meksika! Trupat e një influencueseje dhe familjes së saj u gjetën brenda një kamioni, lidhjet me kartelat e drogës 29/08 18:55
Mbi një dekadë pas shkatërrimit të popullatave të yjeve të detit përgjatë bregut të Paqësorit të Amerikës së Veriut, shkencëtarët besojnë se më në fund e kanë gjetur fajtorin.
Vdekja masive, e cila filloi në vitin 2013, zhduku rreth pesë miliardë yje deti nga Meksika deri në Alaskë dhe vazhdon të prekë më shumë se 20 specie. “Është me të vërtetë mjaft e tmerrshme“, tha Alyssa Gehman, ekologe e sëmundjeve detare në Institutin Hakai në Kolumbinë Britanike, e cila ndihmoi në identifikimin e shkaktarit.
Ajo tha se yjet e detit të shëndetshëm, kanë “krahë të fryrë që dalin drejt përpara”. Por sëmundja që nisi më shumë se një dekadë më parë shkaktonte plagëve dhe “pastaj krahët e tyre në binin”. Më e goditura ishte specia e yllit të detit diellor, e cila humbi rreth 90% të popullatës së saj në pesë vitet e para të shpërthimit.
Pas ndjekjes së shumë rrugëve të gabuara dhe pistave të rreme, shkencëtarët tani janë të bindur se vrasësi ishte një bakter që infektonte gjithashtu molusqet.
Zbulimi, i publikuar në revistën Nature Ecology and Evolution, zgjidh “një pyetje të kahershme rreth një sëmundjeje shumë serioze në oqean”, tha Rebecca Vega Thurber, mikrobiologe detare në Universitetin e Kalifornisë, Santa Barbara, e cila nuk ishte pjesë e studimit.
Përpjekjet e mëparshme nuk e gjetën vrasësin e vërtetë sepse u fokusuan te lloji i gabuar i virusit ose hetuan mostra të yjeve të detit të ngordhur që nuk përmbanin më lëngun trupor që rrethon organet.
Top Channel
