Jessie J shtyn turneun në Mbretërinë e Bashkuar dhe Evropë për t’iu nënshtruar operacionit të dytë për kancerin e gjirit 29/08 11:35
Pavarësisht mohimeve të Sylvester Stallone, Pamela Anderson këmbëngul se ai i ofroi asaj një apartament dhe një Porsche në këmbim të lidhjes me të.
Edhe pse aktori e mohoi se i kishte bërë ofertë, ajo shpjegoi gjatë paraqitjes së saj në Watch What Happens Live With Andy Cohen se “askush nuk mund ta kishte sajuar këtë, sepse ishte shumë specifike”.
Aktorja 58-vjeçare kishte thënë se Sylvester Stallone i kishte kërkuar të ishte “vajza e tij nr. 1” dhe kur ajo e pyeti nëse kishte një nr. 2, ai u përgjigj: “Kjo është oferta më e mirë që do të marrësh, tani je në Hollywood”.
79-vjeçari i ka mohuar më parë akuzat, duke i quajtur ato “të rreme dhe të sajuara” përmes një përfaqësuesi. Gjatë paraqitjes së saj në “Watch What Happens Live With Andy Cohen” të dielën, më 3 gusht, Pamela Anderson iu drejtua çështjes dhe komentoi: “Epo, si mund ta sajojë dikush diçka të tillë? Dua të them, është diçka shumë specifike.”
Pamela Anderson reignites Sylvester Stallone feud after claiming he made an indecent proposal https://t.co/y07zMrNNDT
— Daily Mail Celebrity (@DailyMailCeleb) August 4, 2025
Më pas, prezantuesi e pyeti me humor nëse kishte ndonjë “makinë tjetër” që mund ta kishte bërë të ndryshonte mendje për t’u lidhur me Sylvester Stallone-n. “Ndoshta një Shelby Cobra”, tha ajo me të qeshur përpara se të sqaronte se po bënte shaka.
Këto deklarata vijnë në një kohë kur emri i Pamela Anderson është bërë shumë publik, për shkak të marrëdhënies së saj me Liam Neeson. Dy aktorët u afruan gjatë bashkëpunimit të tyre në filmin “The Naked Gun”, me lajmin se ata janë çifti i ri i Hollivudit që u bë i njohur nga revista People.
Liam Neeson u martua me Natasha Richardson në vitin 1994, pasi u takuan dhe punuan së bashku në Broadway, në ringjalljen e Anna Christie. Ata patën dy djem së bashku, Michael dhe Daniel. Aktorja vdiq në vitin 2009, në moshën 45 vjeç, nga një dëmtim traumatik në tru pas një aksidenti që pati ndërsa bënte ski në Quebec të Kanadasë.
Pamela Anderson, nga ana e saj, është martuar pesë herë. Martesa e saj e parë ishte me bateristin e Mötley Crüe, Tommy Lee, nga viti 1995 deri në vitin 1998. Së bashku ata patën dy djem, Brandon Thomas Lee dhe Dylan Jagger Lee. Në vitin 2006, ajo u martua me Kid Rock, por u divorcuan një vit më vonë. Kjo u pasua nga dy martesa me Rick Salomon (2007–2008 dhe 2014–2015), dhe më së fundmi, martesa me Dan Hayhurst (2020–2022).
Top Channel
