Në Kalasë, Delvinë, situata paraqitet serioze për shkak të përhapjes së zjarrit nga era e fuqishme pranë zonës së banuar, sipas Ministrisë së Mbrojtjes.
Në aksion janë angazhuar zjarrfikësit e Delvinës dhe Sarandës, efektivët e Forcave të Armatosura, zjarrfikës nga Baza e Mbështetjes së Emergjencave Civile dhe një helikopter Black Hawk.
Ministri i Mbrojtjes, Pirro Vengu, dhe Kryetari i Bashkisë Delvinë Besmir Veli ndodhen në terren, ku po ndjekin nga afër operacionin në mbështetje të banorëve dhe përpjekjet për minimizimin e rrezikut për jetën e qytetarëve.
Po ashtu dhe në fshatin Sasaj në afërsi të Lukovës është aktivizuar një vatër e madhe zjarri e cila rrezikon seriozisht banorët e fshatit. Emergjencat civile, zjarrfikësit e Himarës si dhe policia janë në terren për largimin e banorëve që rrezikojnë por dhe për gjënë e gjallë (bagëtitë) era e fortë favorizon flakët, terreni është mjaft i vështirë dhe bimësia e dendur.
Top Channel
