Policia e Fierit ka zbardhur detaje të reja nga vrasja makabre e 55-vjeçarit Anesti Ram nga vajza e tij. Sipas autoriteteve lokale nga hetimet ka rezultuar se vajza e viktimës Emanilda Rama, nuk e ka kryer e vetme krimin.
Dyshime ka se ajo është ndihmuar nga Çlirim Dogani, 55 vjeç, banues në fshatin Arapaj, Roskovec.
Nga kryerja e hetimeve dyshohet se ky shtetas ka bashkëpunuar me Emanilda Rama, në vrasjen e babait të saj nëpërmjet mbytjes me tel, si edhe duke përdorur sende të forta dhe mjete prerëse.
Nga informacionet e marra deri tani, vajza dyshohet se kishte lidhje intime me 55 vjeçarit, ky i fundit i martuar dhe me dy fëmijë.
Sakaq, është bërë ndalimi i tij dhe pritet zbardhja e dëshmisë përpara autoriteteve. Një ditë më parë në pranga është vënë dhe bashkëshortja e viktimës, e cila dyshohet se pas krimit ka ndihmuar vajzës për të fshehur gjurmët e krimit dhe për ta raportuar më pas në polici si aksidentale.
Top Channel
