Prej më shumë se një jave vatra të mëdha zjarri vijojnë në “Fushën e Peladhisë” të njësisë administrative Zerqan. Ndërkohë vatra të mëdha zjarri vijojnë në afërsi të fshatit Vlashe të njësisë Shupenzë.
Zjarri i ndihmuar nga temperaturat e larta dhe era e fortë kanë bërë që flakët të përhapen me shpejtësi duke djegur me dhjetëra hektar pyje dhe kullota.
Ndërkohë për fikjen e vatrave të zjarrit janë angazhuar forcat e zjarrfikëse si dhe ato të emergjencave të bashkisë Bulqizë, megjithatë e kanë patur të pamundur fikjen për shkak të terrenit të vështirë, që bën të domosdoshme ndërhyrjen nga ajri.
Siç shihet edhe nga pamjet retë e tymit kanë mbuluar fshatrat e njësive Shupenzë, Zerqan, Fush-Bulqizë, por jo vetëm pasi edhe qyteti i Bulqizës ka qenë i mbuluar nga tymi i zjarreve këtë mëngjes.
Sakaq, vatra të mëdha zjarri ka edhe në Parkun Kombëtarë të Lurës në Dibër ku janë përveç zjarrfikësve janë angazhuar edhe forcat e ushtrisë për të bërë të mundur fikjen e zjarrit.
Top Channel
