Frenimi i luftës/ BE dhe Mbretëria e Bashkuar ulin çmimin e naftës ruse 18/07 20:08
Presidenti amerikan, Donald Trump ka komentuar për çështjen e Jeffrey Epsteinit, financierit të akuzuar për shfrytëzim seksual dhe pedofili, në platformën personale, Truth Social.
Në postimin e tij, Trump ka ngritur pyetjen se nëse do të ekzistonte një “provë e fortë” apo një “armë zjarri” që implikonte personazhe të fuqishëm në këtë skandal, pse demokratët nuk e kanë publikuar këtë informacion gjatë administratës së presidentit Joe Biden.
Ai nënkupton se ky informacion i mundshëm nuk është parë ndonjëherë sepse thjesht nuk ekziston.
Në stilin e tij tipik, Trump e ka shkruar këtë pohim me shkronja të mëdha duke theksuar se “KJO NUK NDODHI SEPSE NUK KANË ASNJË GJË”.
Postimi i Trump
Ky qëndrim duket si një përpjekje për të qetësuar dhe bindur mbështetësit e tij, të cilët më parë kanë ngjallur pretendimet dhe spekulimet rreth ekzistencës së një “liste të fshehtë klientësh”, e cila thuhej se përmbante emra të njerëzve me ndikim të madh që Epstein i kishte kërcënuar dhe shantazhuar për qëllime personale.
Sidoqoftë, deri tani, asnjë nga këto pretendime nuk është konfirmuar zyrtarisht, dhe çështja mbetet një nga më të diskutuarat dhe misteriozet në skenën politike dhe mediatike amerikane.
Top Channel
