“Nuk e di nëse do marr më pjesë në festivale!”/ Stine flet ‘pa doreza’: Aty promovohen miqtë, jo artistët 16/07 22:16
Pas muajsh tensionesh dhe akuzash publike, Wanda Nara dhe Mauro Icardi kanë arritur më në fund një marrëveshje ligjore për kujdesin ndaj dy vajzave të tyre, Francesca dhe Isabella.
Vendimi është marrë pas një seance dëgjimore të mbajtur në Argjentinë, ku janë përcaktuar detyrimet e secilit prind.
Sipas gazetares Yanina Latorre, marrëveshja parashikon që Wanda Nara do të udhëtojë drejt Turqisë çdo 40 ditë për t’i lejuar vajzat të qëndrojnë me babain e tyre, sulmuesin e Galatasaray, Mauro Icardi. Për shkak të angazhimeve të tij sportive dhe pamundësisë për të udhëtuar shpesh, është Wanda ajo që do të bëjë udhëtimet me vajzat, të shoqëruar nga një person i besuar dhe me avion privat.
Wanda ka kërkuar gjithashtu që Ministria e Punëve të Jashtme të garantojë sigurinë e udhëtimeve, ndërsa nga ana tjetër, Icardi është urdhëruar të mbulojë shpenzimet mjekësore dhe mbështetjen financiare për vajzat.
Përkundër përplasjeve të së kaluarës — përfshirë edhe akuzat e Icardit se Nara i kishte vjedhur 7 milionë euro nga një llogari bankare — Wanda është shprehur e gatshme të krijojë një raport të qëndrueshëm me ish-partnerin. “E informoj rregullisht Mauron, i dërgoj foto dhe video, i kam premtuar që mund t’i telefonojë vajzat sa herë të dëshirojë,” u tha ajo ndjekësve në rrjete sociale.
Ndihmë në këtë drejtim mund të ketë ardhur edhe nga ish-bashkëshorti i Wandës, Maxi Lopez, i cili është babai i tre fëmijëve të saj të parë. Edhe pse në të kaluarën kanë pasur marrëdhënie të tensionuara, Wanda dhe Maxi duket se kanë gjetur gjuhën e përbashkët. Madje, ai ka shprehur publikisht mendimin se vajzat duhet të kenë një marrëdhënie të afërt me babain e tyre, Mauro Icardi.
Me këtë marrëveshje, duket se një kapitull i ri po hapet për dy ish-partnerët dhe vajzat e tyre — një përpjekje për stabilitet, pavarësisht sfidave të kaluara.
Top Channel
