Një aksident rrugor u regjistrua pak minuta më parë në aksin kombëtar Sarandë–Delvinë, në vendin e quajtur Shijan, ku u përfshinë dy automjete.
Sipas burimeve paraprake, në aksident u përfshi një mjet tip Ford me targë AA240GE, i drejtuar nga shtetasi Leonard Begolli, 64 vjeç, dhe një automjet tip Mercedez Benz me targë AB896TC, në pronësi të Alen Preçit.
Si pasojë e përplasjes janë plagosur katër persona, përfshirë të dy drejtuesit e mjeteve, të cilët janë transportuar me urgjencë në spitalin e Sarandës.
Burime nga personeli mjekësor konfirmojnë se të plagosurit ndodhen jashtë rrezikut për jetën.
Në vendngjarje ndërhynë shërbimet e Qarkullimit Rrugor Sarandë, dhe po punohet për të sqaruar shkaqet dhe rrethanat e aksidentit.
“Sot, rreth orës 15:40, në aksin rrugor Sarandë–Delvinë, janë përfshirë në një aksident rrugor automjeti tip “Ford”, me drejtues shtetasin L. B., 63 vjeç, dhe automjeti tip “Benz”, me drejtues shtetasin A. B., 20 vjeç.
Si pasojë e përplasjes, janë dëmtuar dy drejtuesit dhe dy pasagjeret në automjetin “Ford”, shtetaset E. B., 54 vjeçe, dhe N. B., 34 vjeçe, të cilët ndodhen në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit”, sipas policisë.
Top Channel
