Projektligji i madh dhe i bukur i Trump, cilat janë shtatë pikat më pak të njohura 04/07 17:02
Një zjarr i madh ka përfshirë qytetin Torrefeta në rajonin e Katalonjës, Spanjë, duke shkaktuar dy viktima dhe dëme të mëdha materiale.
Viktimat u gjetën brenda perimetrit të flakëve në komunën Coscò, rreth 20 kilometra nga vatra fillestare e zjarrit.
Zjarri shpërtheu pasditen e së martës dhe është përhapur me shpejtësi për shkak të erërave të forta dhe temperaturave ekstreme, duke shkrumbuar mbi 5,000 hektarë tokë bujqësore.
Si masë paraprake, Departamenti i Mbrojtjes Civile urdhëroi izolimin e rreth 20,000 banorëve në nëntë komuna të prekura nga tymi i dendur. Tymi u përhap në një distancë deri në 300 kilometra, duke krijuar një kolonë me diametër 14 kilometra – një fenomen i pashembullt në Katalonjë.
Gjatë natës, masat e izolimit u hoqën për pjesën më të madhe të zonave të prekura, ndërkohë që autoritetet vijojnë të monitorojnë situatën.
Përveç vatrës kryesore, një zjarr tjetër shpërtheu në Sanauja, brenda të njëjtit rreth, duke përfshirë në flakë rreth 40 hektarë bimësi.
Zjarri është stabilizuar, sipas autoriteteve, por ekipet zjarrfikëse po vazhdojnë të kontrollojnë perimetrin për të shmangur riaktivizime të mundshme, për shkak të valës së të nxehtit që ka përfshirë Spanjën.
Sipas Agjencisë Meteorologjike Spanjolle (AEMET), qershori 2025 është shpallur si muaji më i nxehtë ndonjëherë i regjistruar në vend, me një temperaturë mesatare prej 23.6°C, duke thyer rekordin e mëparshëm të vitit 2017.
Top Channel
