Vdekja e Mike Lynch dhe rënia dramatike e gjeniut të teknologjisë, familja e tij në prag falimentimi, 700 milion paund borxhe 26/07 10:42
I apasionuar pas biznesit, presidenti amerikan, Donald Trump ka hyrë fuqishëm edhe në botën e kozmetikës!
Me një aromë që premton fitore, fuqi dhe shkëlqim, presidenti amerikan prezantoi linjën e tij të re të parfumeve të hënën në mbrëmje nëpërmjet Truth Social: “Victory 45-47”. Sigurisht, numrat nuk janë të rastësishëm pasi i referohen mandateve të tij presidenciale.
“Parfumet Trump janë këtu. Ato quhen ‘Victory 45-47’ sepse simbolizojnë Fitoren, Fuqinë dhe Suksesin, për burrat dhe gratë”, shkruan ai.
“Merrni një shishe për veten tuaj dhe mos harroni të merrni një për të dashurit tuaj. Shijojeni, argëtohuni dhe vazhdoni të fitoni!”, përfundon presidenti në postim.
Linja e re vjen në dy versione “ikonike” dhe “edicion i kufizuar” dhe çmimi është 249 dollarë secila. “Victory 45-47” i bashkohet koleksionit të parfumeve karakteristike të Trump, i cili u lançua në dhjetor.
Aroma për femra reklamohet si simbol i “besimit, bukurisë dhe vendosmërisë së palëkundur”, ndërsa kolonja për meshkuj është e destinuar për “burra që udhëheqin me forcë, besim dhe qëllim”.
Lançimi i aromave është sipërmarrja më e fundit e ish-presidentit, duke shtuar një produkt tjetër në listën e gjatë të produkteve që ai ka lançuar që nga “ringjallja” e tij politike.
Top Channel
