Një vit pa Ismail Kadarenë! Gjeniu i letrave nderohet nga Akademia e Shkencave dhe Kuvendi i Shqipërisë
01/07 15:29
Helena Kadare ndau disa fjalë zemre në 1-vjetorin e ndarjes nga jeta të shkrimtarit të madh, Ismail Kadare.
Në përkujtimoren e bashkëshortit të ndjerë, Helena tha se jeta e Kadaresë ishte në thelb jeta e Shqipërisë që kërkonte liri, barazi dhe progres për të qenë në një radhë me përparimin botëror.
“Ismail Kadare është një shkrimtar shqiptar, që e ngriti metaforën e tij letrare në nivelin e frymëmarrjes kombëtare, që do të thotë se ai përshkroi fatin e shqiptarit dhe të Shqipërisë në tërë rrjedhën e historisë së saj.
Ashtu siç mbijetoi shqiptari dhe Shqipëria, mbijetoi dhe vetë Ismaili, jeta e të cilit në thelb ishte jeta ë Shqipërisë që kërkonte liri, barazi dhe progres, për të qenë në një radhë me përparimin botëror në themelet e të cilit qëndronte historia jonë”
Top Channel
