Shkëmbim i ri i të burgosurve mes Rusisë dhe Ukrainës si pjesë e marrëveshjes së Stambollit

26/06/2025 17:24

Rusia dhe Ukraina kanë shkëmbyer një tjetër grup të burgosurish, thanë zyrtarë nga të dy vendet, si pjesë e një marrëveshjeje të arritur së fundmi në Stamboll midis palëve.

Shkëmbimi i ri i të burgosurve u raportua më parë nga agjencia shtetërore e lajmeve ruse TASS, duke cituar një burim anonim. Agjencia e lajmeve RIA raportoi se të dy palët shkëmbyen të njëjtin numër të burgosurish lufte, por nuk dihej se sa ushtarë u përfshinë në shkëmbim.

Volodymyr Zelensky njoftoi gjithashtu shkëmbimin në një postim në rrjetet sociale, duke deklaruar ndër të tjera se: “Ne po vazhdojmë shkëmbimet, në një fazë tjetër. Sot, ushtarët e Forcave të Armatosura, Gardës Kombëtare dhe Shërbimit Shtetëror Kufitar po kthehen.

Shumica e tyre kanë qenë në robëri që nga viti 2022. Ne po bëjmë gjithçka për t’i gjetur të gjithë, për të kontrolluar informacionin për secilin emër. Ne duhet t’i kthejmë të gjithë njerëzit tanë në atdheun e tyre”.

Top Channel