Trump paralajmëron Izraelin: Mos sulmoni me bomba! Nëse e bëni… 24/06 13:37
Ushtria izraelite pretendon se ka identifikuar raketa të tjera të lëshuara nga Irani këtë mëngjes.
Sipas Izraelit, sistemet e mbrojtjes ajrore po “operojnë për të kapur kërcënimin”, ndërsa qytetarëve u është kërkuar të shkojnë në strehimore dhe të qëndrojnë atje deri në njoftim të mëtejshëm.
Ministri izraelit i Mbrojtjes, Israel Katz, tha se ka urdhëruar Forcat Mbrojtëse të Izraelit të “përgjigjen me forcë ndaj shkeljes së armëpushimit nga Irani me sulme intensive kundër objektivave të regjimit në zemër të Teheranit“.
Detajet e lëshimit të raketës së raportuar janë ende të paqarta, raporton BBC, teksa Irani nuk e ka konfirmuar sulmin.
Izraeli tha më herët se është dakord me armëpushimin e kërkuar nga presidenti amerikan, Donald Trump. Ministri i jashtëm i Iranit tha se sulmet do të ndalojnë vetëm nëse Izraeli bën të njëjtën gjë.
Top Channel
